Banana- og karamelluterta

Botn

  • 75 gr smjör, brætt
  • 150 gr digestive kex
  • 2 msk kakó

Karamellubráð

  • 1 og ¼ dl rjómi
  • ½ tsk vanilludropar
  • 2 dl sykur
  • 75 gr kalt smjör í bitum
  • 1 tsk flögusalt frá Norðursalti

Fylling

  • 2-3 bananar
  • 2,5 dl rjómi
  • Kakó og súkkulaði til skreytingar

Aðferð:

Botn

  1. Brytjið kex í matvinnsluvél, bætið svo bræddu smjöri og kakó saman við svo úr verði deigkennd blanda.
  2. Þrýstið öllu saman í eitt 25cm mót, helst með lausum botni og riffluðum jaðri. Kælið minnst í 20 mínútur.

Karamella

  1. Hitið rjóma og vanilludropa við vægan hita og látið ekki sjóða.
  2. Bræðið sykur í potti, þegar fer að bráðna, hrærið og bíðið þangað til nær gylltum lit eða um 170-175 gráðu hita með sykurhitamæli.
  3. Setjið brytjað smjörið út í sykurbráðina og hrærið þangað til að fullu brætt. Svo er saltinu bætt við og að lokum rjómanum. Leyfið karamellunni að kólna og ná borðstofuhita.
  4. Sett á botninn og aftur í kæli í 20-30 mínútur.

Samsetnig:

  1. Skerið banana í hæfilega þykkar/þunnar sneiðar. Raðið þeim í mótið svo myndi lag.
  2. Þeytið rjómann og sprautið með hringlaga eða stjörnustút.
  3. Skreytið með rifnu, rúlluðu eða brytjuðu súkkulaði ásamt því að sáldra yfir kakódufti.

Leave your comment