Ég fékk einstaklega skemmtilegt og krefjandi verkefni fyrir þessau helgi. Kunningjar úr Sniglunum báðu mig um þann heiður að gera brúðartertuna fyrir sig. Þau hittu mig fyrir þó nokkru til að ræða málin og smakka til tertuna sem ætti að verða fyrir valinu.

Ákveðið var að velja tertu sem héldi sér vel og myndi falla vel í kramið hjá stórum fjölda fólks. Fyrir valinu urðu djöflatertu botnar, fylltir með dökku súkkulaði ganache og tertan þakin með hvítu súkkulaðiganache. Þessi terta þoldi bíltúrinn úr Reykjavík í Þykkvabæinn einstaklega vel og get ég vel mælt með þessu sem fyllingu og skreytingu á tertu ef það þarf að ferja þær lengri leiðir. Þær eru einstaklega stöðugur og það má leyfa henni að standa á borði í allt að tvo daga svo kæling er minna vandamál.

Hér má sjá tertuna í heild sinni í hlöðu einni í Þykkvabænum en tertan var afhent á föstudeginum og átti eftir að koma henni á endanlegan stað.

Brúðhjónin eiga ýmis sameiginleg áhugamál eins og sjá má. Útilegu þema á neðstu tertunni, svo kemur hestamennskan, hundar og að lokum mótorhjól en brúðarstyttuna pöntuðu þau að utan.

Allar terturnar tengdust svo með loppuförum og mótorhjólaslóð.

Ég mátti lítið vera að því að taka myndir af ferlinu hinsvegar get ég sagt ykkur hvernig ég útfærði nokkra hluti.

• Hestarnir voru gerðir að fyrirmyndum annarra og best að byrj aá að gera búk og haus sem byggt er ofan á. Sama á við um hundana.
• Loppuförin gerði ég með stensli en ég lagði stensilinn upp við tertuna og smurði súkkulaði yfir og út komu þessi svakalega flottu loppuför.
• Tréin voru stórar grænar klessur mótaðar í form, fest á bambusprik og svo klippt með skærum til að fá greinarnar.
• Skeifurnar voru svo gerðar með því að not hringmót, einn stærri hringur og svo minni svo myndist mjór hringur. Skera af enda svo komi op og nota lítinn hringlaga stútt nr 3 eða 4 til að gera nalaförin í skeifurnar.

Ég vona að þið hafið jafn gaman að tertunni og ég og hún veiti smá innblástur!