Sæl öll,

Ég er rétt að láta vita af mér. Því miður hefur Facebook síðan verið í ólagi hjá mér og sé ég hvorki færslurnar sem ég hef birt eða athugasemdir frá ykkur kæur fylgjendur.

Ég er búin að hafa samband við Facebook útaf þessu og vonast til að það komi einhver lausn í þetta annars er þetta víst algengt vandamál hjá mörgum að undanförnu, því miður.

Ég vil þó minna á Twitter síðuna mína þar sem hún er í góðu lagi og hafa FB færslurnar einnig farið þangað inn.

Um daginn gerði ég tilraun til að gera Makkarónur (Parisian Macaroons) sem tókust einstaklega vel (í seinni tilraun) ég tók því miður engar myndir af því en ég skal reyna redda því við fyrsta tækifæri og að sjálfsögðu uppskrift og leiðbeiningum.

Annars er ég með tvö verkefni í vinnslu, annað er prufu útgáfa af fermingarköku, þ.e.a.s. botn og fyllingu og svo kennslumyndband. Sjáum hvernig þetta fer allt saman en um leið og þetta er tilbúið mun ég að sjálfsögðu deila því með ykkur.

Annars þið ykkar sem hafið verið að skrifa við færslurnar mínar á Facebook, þá megið þið gjarnan nota síðuna mína til þess meðan allt er í ólagi. Það getur hver sem er skrifað og ekki nauðsynlegt að fylla út alla reiti eins og netfang o.þ.h.

Ég vil svo gjarnan heyra frá ykkur hugmyndir að efni sem þið viljið sjá, t.d. kennslumyndbönd en ég mun gera tilraun til að gera eitt núna um helgina þar sem ég fékk ábendingu um efni frá einni en væri til í að heyra fleiri hugmyndir.