Mig langaði afskaplega mikið að gera eitthvað gott nesti fyrir vinnuna sem gæti komið í veg fyrir að ég æti allt sælgætið sem birtist í vinnunni í viku hverri. Ég fór því á Pinterest í leit að nokkrum hugmyndum og fann eina æðislega uppskrift sema ég aðlagaði lítillega að því sem ég átti til og hentaði mínum smekk. Þið getið nálgast upprunalegu uppskriftina hjá Smashed Peas & Carrots.
Þessar ljúffengu orkukúlur uppfylla að mínu mati sætuþörfina sem myndast og ekki skemmir fyrir að þær eru ansi hollar og tekur skamman tíma að gera þær. Það skemmdi ekki fyrir að ég fékk að nota eitt af mínum uppáháldsáhöldum sem nefnist “Wonder Cup” og var það betri helmingurinn sem pantaði græjuna fyrir mig. Við sáum þetta fyrst hjá sjónvarpskokknum Alton Brown sem notar þetta mikið og hefur komið sér vel þegar verið er að aðlaga sig að erlendum uppskriftum með allskonar mælieiningum.
- 85 gr Haframjöl
- 150 gr Cashew smjör
- 100 gr Hunang
- 80 gr Kókos
- 40 gr Hveitikím
- 80 gr Súkkulaði, 56% eða dekkra Smátt saxað
Uppskriftin gerir um 30 stk. Best að geyma kúlurnar í loftþéttu íláti inn í ísskáp. Geymist í u.þb. viku í ísskáp eða mánuð í frysti.
Næringargildi í einni kúlu.
Hitaeiningar: 88
Fita: 5,3
Kolvetni: 8,6
Prótín: 1,9
