Það er víst nóg af afmælum í fjölskyldunni þessa dagana og varð Mater, öðru nafni Krókur fyrir valinu að þessu sinni. Hérna sést lokaafurðin:
Verð nú að sýna eina framan á áður en ég held lengra.
Ég bakaði tvöfalda uppskrift í tveimur kassalaga formum (einnig hægt að baka í skúffu og skera). Ég gerði svo tvöfalda uppskrift að súkkulaðikremi og byrjaði að stafla og smyrja.
Þegar þið hafið náð “réttri” hæð getið þið farið að móta bílinn. Setja smá kökubita á húddið þar sem Krók vantaði húddið sitt.
Um að gera að muna eftir að eiga nóg í bílahúsið/þakið.
Móta svo afturendann. Afturendinn varð aðeins stærri en ég ætlaði mér en lét það ekki trufla mig 😉
Þegar að kakan lítur nokkurn vegin út eins og þið viljið smyrjið þá kremi yfir svo að fondantinn festist vel við (eða smjörkrem ef þið viljið frekar skreyta kökuna þannig). Mér finnst best að geyma kökuna aðeins í kæli áður en fondantinn er settur yfir því þá er allt viðráðanlegra og auðveldara að móta kökuna ef það er eitthvað ekki eins og það á að vera.
Á meðan ég beið gerði ég súkkulaðifondantinn sem átti að fara yfir. Þið getið einnig gert hann meðan þið eruð að baka þar sem það getur verið gott að leyfa honum að standa aðeins í ísskápnum áður en hann er flattur út. Súkkulaðifondant er skemmtileg tilbreyting frá þessum hefðbundna hvíta og er litaður með kakóinu en ekki matarlit (nema þið viljið dekkja hann).
Þegar þetta er komið er hægt að byggja upp smáatriðin. Móta augun (bílrúðuna), ljósin, krókinn, dekkinn og svo framvegis. Ég gerði þetta nú ekki í neinni skipulagri röð en það sem ég mæli með að gera áður en haldið er lengra er:
- Framrúðan/augun
- Hliðarrúðurnar
- Krókurinn og það sem fer á pallinn að aftan
- Vélin í húddið
- Dekkin
- Framtennurnar
- Speglarnir
- Ljósin á toppinn
- Kökukefli, stórt og lítið
- pizzaskeri
- lítið skurðarhjól (speglarnir, framrúðan og hliðarrúðurnar)
- kúluáhald (fyrir framljósin og línurnar á bílnum)
- Cone áhald (til að gera götin fyrir grindina á pallinn og speglana)
- Lítill spaði (smyrja krem á þröngu svæðin, sjáið á myndinni að ofan)
- Penslar (fyrir dekkin, augun, rendurnar að aftan)
- Svartan matartúss (nafnið á hliðunum)
- Matarlitaspjald (til að blanda liti og mála dekkin o.s.frv., sjá mynd að ofan)
- Hringmótasett og sprautustút (til að gera hringina í dekkin og “felgurnar”). Notaði einnig stærri hring þegar ég þurfti að koma dekkjunum undir bílinn 🙂
Svo var bara að mynda gripinn bak og fyrir áður en hann fór til afmælisbarnsins.
Hérna er mynd af bílnum áður en dekkin voru komin undir og grindin fyrir krókinn á pallinn.
Ef þið eruð að velta fyrir ykkur hvernig ég gerði súkkulaði fondantinn þá nota ég sömu aðferð og við venjulegan en skipti út hluta af flórsykri fyrir kakó. Ég nota Cadburys kakó en getið notað það sem ykkur hentar. Ég bendi þó á að kakó á það til að þurrka meir þannig að þið gætuð þurft minna af flórsykri svo fondantinn þorni ekki og verði ómeðfærilegur.
Þessi er alveg æðisleg hjá þér! Náðir alveg svipnum á honum og allt! Geggjuð!
Takk fyrir hrósið, hún vakti mikla lukku hjá öllum, ungum sem öldnum. Mjög flott síðan hjá þér, finnst myndatakan mjög flott 🙂