Um helgina fékk ég loks tækifæri til að prufa tilraunaköku sem ég hafði gert helgina áður. Þó ekki “sama” kakan en sama uppskriftin 😉 Ég bauð örfáum nánum ættingjum í heimsókn síðasta sunnudag og að sjálfsögðu varð ég að bjóða upp á ýmiskonar kræsingar. Góð maregnskaka slær ávallt í gegn hjá minni fjölskyldu og skellti ég því í eina með brúnum maregns (púðursykur) með karamellubúðing og rjóma á milli og karamellubráð yfir. Þar sem ég gerði “aðeins” of mikið af karamellusósu fékk hún að vera með á borðinu 😉 Hérna sést svo kakan áður en ráðist var á hana!

Mörgum þykir oft erfitt að gera maregns en að mínu mati er það eitt það einfaldasta sem hægt er að gera, lykilatriðið er þó að ÞEYTA eggjahvíturnar og sykurinn nógu mikið! Það þarf að byrja á að þeyta eggjahvíturnar  þangað til að þær verða að þéttri stífri froðu sem fer ekki úr skálinni sé henni hvolft. Því næst má setja sykurinn út í og hræra þangað til að blandan heldur lögun sinni. Ef blandan sléttist út þegar þeytarinn er tekinn úr (lyft upp úr) þá er ekki búið að þeyta nóg 😉 ég skal játa hér og nú að ég lærði þetta af reynslunni! Ég gerðist eitt sinn svo klár að hella sykrinum út í áður en eggjahvíturnar voru þeyttar. Þið ykkar sem eruð vön að gera maregns hlægið eflaust að mér núna eða kannski bara með mér því ég hlæ enn að þessu í dag 😉 Hér kemur svo uppskriftin (er einnig undir Kökur og kökubotnar):

Maregnsterta, tveir botnar

• 3 eggjahvítur
• 150 gr púðursykur
• 80 gr sykur

Fyllng

• 2,5 dl rjómi
• 2-3 msk sykur
• 50-100 gr saxað suðusúkkulaði
• 2,5 dl mjólk
• 1 pak royal karamellubúðingur

Leiðbeiningar:

1. Þeytið búðinginn með 2,5 dl af mjólk og leyfið að stífna í ísskápnum í smá stund.
2. Þeytið rjómann ásamt sykrinum þangað til vel þeyttur. Bætið svo söxuðu súkkulaði varlega við.
3. Smyrjið búðningnum á neðri botninn og svo rjómanum og leggið svo efri botninn á. 

Ef þið hafið sprautað maregnsinum þá ætti hún að líta mjög vel út og óþarfi að fara “fela” einhverjar sprungur eða annað sem á það til að myndast. Svona leit kakan út áður en ég hellti karamellusósunni yfir.

Hér kemur annars uppskrift af karamellusósunni fyrir þá sem vilja en hún er fengin úr annarri uppskrift sem fylgdi döðlutertu, helminguð en þessi geymist vel í kæli í 1-2 vikur og fullkomin með ísnum eða öðrum eftirréttum 🙂

Karamellusósa, 1/2 uppskrift:

• 100 gr púðursykur
• 50 gr síróp
• 70 gr smjör
• 3/4 dl rjómi

Brúna rúllutertan

Eins og ég sagði var þetta ekki það eina sem ég gerði. Brún rúlluterta hefur ávallt verið í miklu uppáháldi hjá mér og var það einnig ein af þeim kökum þar sem ég lærði heilmikið af reynslunni. Það skemmtilega við brúna rúllutertu er að hún er rosalega fljótleg og slær oftast í gegn í veislum. Enda hvað er betra en dúnmjúk kaka með fullt af kremi? Hérna sést hvernig hún heppnaðist í þetta skiptið. Kannski er best að taka fram að ein uppskrift er í raun eins og tvær sem eru keyptar út í borð, þ.e.a.s. stærðarlega séð. Spurning hvort sjáist meira af kökudisknum eða kökunni?

Hér kemur uppskriftin:

Brún rúlluterta, ein stór eða tvær minni

• 3 egg
• 1 og 1/5 dl sykur
• 3 msk hveiti
• 4 msk kartöflumjöl (1/2 dl)
• 1 tsk lyftiduft / matarsódi
• 2 msk kakó
• 1 tsk vanillusykur

Jarðarberjasúkkulaðiterta

Svo langaði mig til að sýna ykkur tilraunatertuna sem heppnaðist ótrúlega vel en hún var mjög “massív” og gátu fáir fengið sér aðra sneið af henni. Kakan er úr brúnum svampbotnum, súkkulaðimús, ferskum jarðarberjum og súkkulaðismjörkremi. Það má auðvitað skreyta hana eins og hentar, t.d. þeir sem eru góðir í súkkulaði ganashe. Ég á enn eftir að ná tökum á því en þolinmæðin er ekki alltaf minn besti vinur. Því ákvað ég að skreyta hana með smjörkremi og ferskum jarðarberjum 😉 Held líka að þetta hafi veriða alveg nóg af súkkulaði. Hér sést bomban:

Uppskriftin af botnunum er mjög svipuð og af rúllutertunni og er í raun sama uppskrift og af ljósum svampbotn (rúllutertan notar þó bara 3 egg ekki 4) en ég skipti út smá af hveiti fyrir kakó. Þar sem ég bakaði botnana í litlu hringformi dugði einföld uppskrift en ég bakaði hana í tvennu lagi og skar svo botnana í tvennt svo úr urðu fjórir botnar. Fyllinguna notaði ég úr ekta amerískri Ice Box köku sem ég hef gert nokkrum sinnum, hérna kemur hún en ég gerði bara hálfa uppskrift í þessa köku:

Súkkulaðimús (heil uppskrift)

• 4 eggjarauður
• 1/4 bolli sykur
• 2 bollar suðusúkkulaði
• 1/4 bolli smjörlíki (eða smjör)
• 1 og 1/4 bolli rjómi
• 1 tsk vanilludropar

Leiðbeiningar