Loksins lét ég verða af því að prufa langþráð verkefni með súkkulaði og það voru súkkulaðirósir. Ég hef séð svo margar gullfallegar súkkulaðirósir á netinu og hef horft á ófá myndbönd á YouTube. Hér er eitt af myndböndunum sem ég horfði á fyrir löngu en ég notaði ekki þessa aðferð við að setja blómið saman heldur studdist ég við sömu aðferð og ég nota við að gera sykurmassa rósirnar mínar.

[vodpod id=Video.12983702&w=425&h=350&fv=%26rel%3D0%26border%3D0%26]

Ég tók því miður engar myndir af ferlinu í þetta skiptið en get gert það ef þið viljið annars, endilega skrifið það þá í athugasemdir 🙂

Snúum okkur aftur að verkefninu skemmtilega, hérna kemur lokaafurðin:

Ég gerði rósina eins og ég væri að gera rós úr sykurmassa eða gumpaste. Ég reif bara smá bút af súkkulaðiklessunni og myndaði litla keilu sem er innsti parturinn af rósinni. Því næst er tekinn annar minni, mynda kúlu með fingurgómunum en ekki lófanum því þá bráðnar súkkulaðið um leið því það er heitasti parturinn. Ég notaði plastpoka til að fletja út, þá er kúlan sett á milli og kúlan flatt út og höfð örlítið dropalaga með annan endann þynnri. Þeim er svo raðað kringum keiluna. Fyrsta “blaðið” fer nánast alveg utan um keiluna og felur hana (þá ullar blómið ekki á þig). Næsta laufblað kemur svo ofan á ca 1/2 eða 1/3 af síðasta og þannig koll af kolli þangað til þú ert komin með þá stærð sem þú vilt.

Það er skiljanlega erfitt að átta sig á þessu svona en vona að þetta komi ykkur af stað. Hér er annars myndband sem gæti einnig hjálpað ykkur, það er reyndar fyrir fondant/sykurmassa rósagerð en sýnir ykkur betur tæknina sem ég notaði fyrir utan byrjunarskrefið.

[vodpod id=Video.12984111&w=425&h=350&fv=]

Hér eru svo nokkrar myndir til viðbótar af sömu rós en skrefunum sem ég tók.

Svona leit rósin út áður en ég bætti við gyllingu á jaðarinn og laufblöðum.

Hérna er gyllingin komin á. Ég notaði gyllt perluduft til að mála á en það er hægt að nota það þurrt og dreifa með duftbursta eða bleita með alkóhóli (t.d. vodka) og mála á. Þetta er algjör snilld og þarf bara lítið af duftinu þannig að það endist þrátt fyrir litla pakkningu.

Mér fannst rósin frekar einmanaleg og tómleg þar sem ég var ekki með neina köku með og datt mér í hug að nota laufblaðaskerana sem ég á og sjá hvernig kæmi út. Hérna sést rósin með tveimur laufblöðum.

Ég reyndi fyrst að nota skerana á súkkulaðið án þess að hafa plastpokann á milli og það gekk vægast sagt ekki vel, það klístraðist bara við mótið. Því  flatti ég súkkulaðileirinn út með pokanum og setti svo mótið yfir og stakk út. Gekk svona glimrandi vel að mínu mati.

Uppskriftin að svona er eins einföld og getur orðið, í raun þarf bara tvö hráefni, súkkulaði og sýróp. Hérna kemur uppskriftin sem ég notaði fyrir þessar:

Uppskrift: Súkkulaðileir / Modeling Chocolate /Chocolate plastique

• 230 gr suðusúkkulaði, bráðið
• 1/2 bolli golden sýróp, hitað*