Alltaf jafn skemmtilegt þegar ég enda í ávæntu tilraunarverkefni. Ég var að prufa nýtt kökumix frá CK products og vildi skreyta kökuna smávegis til að vita hvernig það smakkaðist með kremi og svona. Ég vil þó benda á að ég baka alltaf frá grunni, finnst það mun skemmtilegra og þá veit ég nákvæmlega hvað fer í kökuna. Það getur hinsvegar verið gott að geta gripið í Betty crocker kassa og bara frábært að hafa þann valkost!

Snúum okkur aftur að tilrauninni minni. Ég setti hlekk inn á Facebook síðuna fyrir stuttu af Sundlaugarköku sem Wilton var að segja frá. Mér fannst hún pínu töff og notuð piping gel sem ég hef ekki prufað að vinna með áður, þetta voru því tvær flugur í einu höggi ef svo má segja.

Hérna er svo kakan fullunnin með öllum mistökunum 😉

þar sem þetta var bara tilraun og ekki ætlunin að birta sérstaklega var ég ansi kærulaus með frágang en svo fannst mér ég bara verða að deila henni með ykkur því þetta var einstaklega auðveld terta og viss um að allir geti gert hana, sérstaklega ef Betty Crocker eða annað cake mix er til staðar 😉

Kakan er smurð með smjörkreminu sem ég nota oftast og hvítu rendurnar eru einnig úr sama kremi, en ég tók frá smá hluta af hvíta og litaði rest bláa. Fattaði svo eftir á að mig vantaði grænt í grasið og skellti bara smá gulum í bláa og úr varð þessi fíni græni litur. Ég bjó til 1,5 uppskrift af kremi til að skreyta kökuna.

Hvítu rendurnar eru gerðar með topp #47 frá Wilton sem eru einnig notaðir í körfumynstur og grasið með topp #42 þar sem ég á ekki stærri toppa á borð við #134.

Ég leitaði víðsvegar að uppskriftum að svona piping gel og innihéldu flestar eitthvað sem ég átti ekki til. Á endanum fann ég eina fína inn á CakeCentral sem ég breytti og svínvirkaði fyrir mig. Ég hellti bara gelinu yfir og dreifði úr með spaða en farið varlega svo kremið undir skemmist ekki.

Hér er uppskriftin mín að Piping gel eftir breytingu á Cakecentral uppskriftinni:

• 1/3 bolli sykur
• 1 msk maísmjöl
• 1/2 bolli vatn
• 1/8 tsk Cream of tartart (eða helmingur af 1/4 tsk)

1. Setjið sykur og maísmjöl í pott, hrærið saman, setjið svo vatn og cream of tartar út í og hitið saman á vægum/háaum hita, best er að sykurinn leysist upp áður en suða kemur upp.
2. Þegar þetta hefur þykknað þá er best að taka af hellu, setja matarlitinn út í (og bragðefni ef óskað er) og leyfa að kólna og stífna meir.
3. Að lokum er þessu smurt á kökuna eða sett í sprautupoka/ sprautubrúsa og skrifað á tertu, kexkökur eða annað sem manni dettur í hug.

Hér kemur svo ein nærmynd í lokin en eflaust er best að minnast á að ég notaði Gumpaste í fígúrurnar, þið getið fengið það hjá Allt í köku og mömmur.is