Mikið finnst mér tíminn líða hratt, mér finnst sem að litla systir mín hafi verið fjögurra ára í gær en hún varð 16 ára um helgina og byrjuð í menntaskóla. Hún er mikil áhugamanneskja um bakstur og kökuskreytingar eins og ég og þótti okkur því tilvalið að gera eina afmælisköku handa henni í sameiningu. Hún valdi útlit og aðstoðaði ég við að útfæra og setja saman.

Fyrir valinu varð einföld hringlaga terta með Zebra mynstri, bleikum sykurmassaborða og tölunni 16.

Að venjum byrjum við á að þekja kökuna með kremi. Ef þið viljið fá skarpar brúnir þá er gott að setja krem og slétta eins vel og hægt er, kæla, jafnvel frysta í nokkrar mínútur og slétta með heitum spaða. Gott er að hafa smá auka krem ef þarf til að slétta betur.

Setjið massann yfir og hugið að skrautinu

Ég litaði svartan sykurmassa með Black Extra matarlit frá Sugarflair. Mæli með að vera með hanska þegar þið hnoðið saman svo þið verðið ekki hrikalega skítug á höndunum og með matarlitinn fastan á höndunum 😉

Mynstri skárum við út með pizzaskera. Hér er spurning um að gera nógu óreglulega búta en samt örlítið ílanga svo þetta flæði saman

Systir mín sá svo um að raða bútunum á kökuna áður en við festum þá með sykurmassalími

Eins og þið sjáið þá náðu svörtu “rendurnar” ekki alveg niður og ástæðan sú að litla systir vildi hafa bleikan borða kringum kökuna. Til að gera borða er gott að rúlla út lengju sem er svo flött út með kefli, þannig náið þið sléttum og fínum borða.

Eins og þið sjáið nýtti ég mér borðaskeran sem fæst frá Wilton og notuðum munstraðan skurð, auðvitað hægt að nota allskonar áhöld, sumir hafa jafnvel notað kleinujárn ofl.

Hér er kakan klár en stafirnir voru settir á um leið og kakan var borin fram. Stafina gerðum við úr gum paste kvöldið áður svo þeir væru orðnir stífir.

[hr]

Systir mín var einnig ofurdugleg og gerði Chocolate Chip Cookie Cupcakes. Þessar eru einstaklega massívar en bragðgóðar! Ef áhugi er fyrir hendi get ég eflaust fengið uppskriftina hjá henni og birt hér á síðunni.

Ef ég skyldi hana rétt þá er deigið svipað og er gert til að gera smákökur en sett í muffinsform í staðin. Hér sjást þær áður en þær fóru í ofninn

og komnar úr ofninum, vel ilmandi og einstaklega girnilegar

Meðan systir mín dúllaði sér í þessu gerði ég “stjörnu” súkkulaði, þ.e.a.s. þar sem ég notaði plastfilmu sem notuð er til að færa mynstur yfir á súkkulaði (chocolate transfer sheets). Ég klippti smá ræmu af lengjunni sem ég átti, bræddi súkkulaði, smurði yfir og leyfði að kólna

Við unnum svo í sameiningu að því að gera tvílitt smjörkrem og sprauta því á kökurnar. Við notuðum stút 2D frá Wilton.

Að lokum voru kökurnar skreyttar með “stjörnu” súkkulaðibitum

[hr]