Þessi uppskrift gerir um 1/2 krukku af möndlusmjöri.

Möndlusmjör er í raun mjög svipað og hnetusmjör nema möndlur notaðar í staðinn.

 

Hráefni

• 200 gr möndlur (með eða án hýðis)*
• 1 msk kókosolía (má sleppa)**

*Möndlurnar má líka rista fyrir aðeins öðruvísi bragð. Þá eru þær settar á ofnplötu með smjörpappír, bakaðar í ca 6 mínútur við 180°C

** Hægt er að bragðbæta möndlusmjörið með hunangi, kanil, súkkulaði ofl.

 

Aðferð (tekur um 10-20 mínútur að gera)

1. Setjið möndlurnar í matvinnsluvél og byrjið að hakka þær 
2. Þær byrja á að verða eins og möndlumjöl (haldið áfram)
3. Verða svo eins og blautt og klesst deig (haldið áfram)
4. Loks verður blandan flauelskennd og möndlusmjörið tilbúið