Skvízukökur, 12 stk

• 150 gr smjörlíki, mjúkt
• 150 gr sykur
• 170 gr hveiti*
• 1/2 tsk matarsódi
• 1/2 tsk lyftiduft
• 1/4 tsk salt
• 3-4 msk Royal Karamellubúðingsduft
• 2 msk mjólk
• 3 egg
• 1 tsk vanilludropar
• 100gr (1pk) Pipp Karamellu frá Nóa Síríus

Leiðbeiningar:

Setjið öll hráefnin í skál og hrærið þangað til allt er blandað saman, ca 1-2 mínútur í hrærivél. Setjið smávegis af deigi í 12 muffins form, setjið einn bita af Pipp bita í hvert form og setjið svo afganginn af deginu yfir í hvert form. Bakið í miðjum ofni í ca 25 mínútur við 180°C.

Krem og skraut

• 2 dl rjómi
• 1 msk vanillusykur eða 1-2 msk Royal Vanillubúðingsduft (gerir kremið þéttara og stendur lengur á borði)
• 1 askja fersk jarðarber,
• 50-75 gr Nóa Síríus suðusúkkulaði

Byrjið á að bræða súkkulaðið og fletjið það út í þunnt lag á smjörpappír og leyfið því að kólna. Saxið jarðarberin í smá bita. Þeytið svo rjómann og blandið vanillusykrinum/búðingsduftinu saman við. Sprautið ofan á kökurnar og skreytið með ferskum skornum jarðarberjum og brotnum súkkulaðiflekum.

[related_posts]